愛果

http://hk.news.yahoo.com/%E8%82%AF%E6%8D%B1%E9%BA%A5%E8%A8%98%E5%A8%B6%E5%BE%97%E9%81%8E-3%E6%97%A564%E8%90%AC%E9%BB%9E%E6%93%8A-230000780.html

早前一篇捱麥記才娶得過的女人的潮文, 現被一班青年人拍成短片, 「上載3日點擊率逾64萬！少年導演直言沒想過成名，旨在引起共鳴。」有說這是很多港男心聲, 但亦引起眾多評論, 當中當然有舉腳大喊贊同之士, 但非議中卻不乏男性, 其中有些頗令人發噱:

• 段片只係有「共患難」未有「共富貴」喎！共患難嘅係娶番黎果個！共富貴嘅係包番黎果個！呢種人，見得多～
• 男人問女人肯唔肯同佢挨窮,同女人問男人自己變醜變肥仲愛唔愛佢,有異曲同工之妙。男人點答,女人咪點答咯
• 很諷刺，未睇內文，但就標題而言…我見度很多務實的女性朋友，佢地都肯捱，唔係香港小姐咁排頭，但也不污wer ，但點解仲係未婚﹖港男唔係睇女人肯唔肯捱麥記，而係主要睇外表，而且得一想二，部份人更尖酸刻薄。
• 我係男人，我唔會希望個女人陪我挨麥記，我剩係會唸我俾到啲乜野生活佢，點樣可以令佢幸福過舒適既日子! 希望搵個女人陪自己挨麥記，已經反映咗呢個男人自己冇上進心，只想人地陪佢挨! 唔好成日話港女，我而家見到啲港男成日當個女朋友好似阿媽咁，搭車成日都係見到男既坐女既企..
• 我覺得今時今日既男仔,係咪少咗一份上進既衝勁呢? "一生只想搵一個肯陪你捱既人", 搵到個肯陪你捱既,你又係咪會珍惜呢???仲有..點解廿幾歲仔就林住成世捱窮呢??而唔係盡好一個男人本份..上進D積極D..盡力希望身邊哥位唔洗捱呢??點解要倒轉D嘢黎林
• 麥當勞應該告佢，偏低麥當勞品牌同有標籤成份。
• 你地唔搵細細粒做女主角?!
• 聖人老婆肯捱麥記，唔肯去酒樓，呢d叫賤命
• 如果果個14巴港女肯同你食M記.. 你又肯唔肯娶佢呢??
• 日日食麥記、做對無飯夫妻??懶到餐餐吃麵包飲氣水、懶人覺得好幸福…
• 最怕係要女朋友捱麥記，到可以上半島時又拖住第二個.........可共患難而不可共富貴。
• 以前o既年代去 m 記食o野已經係對小朋友o既獎勵, 而家, 變成少年人受難o既地方, 時代真係變得快呢...
• 我老公睇完段片O了咀，慨嘆LEE一代的後生仔點解變成咁，佢話「男人係有尊嚴的，要個女仔去俾錢買野食，買完仲喊，係感動到喊？定係冇面到喊？」我們感慨：新一代的男仔很難養妻活兒了!
• 原來現在的愛已經扯到去...你同佢食咩就代表愛唔愛佢,同有幾愛佢..仲有分埋係男俾,女俾還是AA, 再去判斷呢段係愛還是不愛..........XD都幾得意

捱的定位和定義, 人人不同.   有些人很老實地莫財莫問;  然有些人劣食刻薄成性, 你想過好日子都難; 願意和誰去捱, 亦是很玄妙的緣份.  能甘苦與共者, 雙方必有真心的感覺和真誠的付出.  慾 (肉欲, 佔有欲等) 是短線和短暫的, 情才是長久的, 情不會一下子旦生出來的 (尤其在女性而言, 不同於男容易受色驅動, 把欲當情, 無可否認, 正常情況是男性是先對某女性生起佔有欲才有追求的意欲, 女性是被動的一方), 但一個人可不可愛, 可不可種出情來, 是用時間, 在交往中, 從處事, 從喜好, 從家庭相處,從朋友圏, 看出觀念等等, 漸見真章. 而自己以甚麼去取人, 以貎? 以財? 以德? 以品? 你愛甚麼, 追求甚麼, 是自己的選擇.  你最愛36DEFG, 可忍受潑辣不貞; 妳愛$$$, 可無視他是欺友好色之徒; 你暴燥是非不分, 有理之人自會難忍而離開; 妳虛榮浮誇, 踏實之士不會接近. 要是你/妳是異性就合, 不計後果, 就手就得? 濫就成為你/妳的一生的總括. 你的性格和取向造就你的命途, 如是因, 如是果.

http://flypun.blogspot.hk/2013/05/blog-post_19.html

http://flypun.blogspot.hk/2013/05/blog-post_18.html