好狗

「弱勢組長疑被同事排擠及辱罵『好狗唔攔路』，憤然辭職後，卻聽聞工友戲言『食飯慶祝』，有人情緒崩潰，趁最後一天上班，在廠車上拔出菜刀，狂斬有過節員工，共十女一男受傷。」事件起因未經證實, 暫只是推測, 然卻牽起大眾極大的回響, 從新聞的留言區, 發覺頗一面倒的體諒行兇者, 相信因太多人曾有過被排擠的精神壓力和傷害, 甚至影響過生計, 所以對組長寄予同情, 同時宣洩久埋的屈怒, 和冀望欺凌者得到懲治之心聲.  姑勿論報導是否有誤, 卻反映了人和人的互相逼迫, 累鬱積怨, 形成戾氣社會.

另一點很多人提出是女人搞是非, 因被斬是十女一男, 生果加工工人多是女性, 男工頭自然和女員工多過節.  不過據個人經驗, 女性搞風搞雨, 無風起浪的又的確比男性多和厲害. 男性之間的爭鬥, 手法比較直接和目的明確, 但女性很多時是漫無目的, 或者可以說是目的非常無聊, 採取單單打打, 含砂射影的, 「你咬我唔入」的滋擾, 又煩又厭,  扭纒不休的狠勁潑勁, 可掃平方圓千里.  現更發覺如今好多女士連珠問候人家祖宗的本領和公然羞辱他人的淫穢說話的大無畏和大無恥棈神, 許多男士也望塵莫及, 真是巾幗不讓鬚眉.  曾和友說過,  男人搞政治去搗毀仇敵, 只要放一兩個女人下去, 女人自發的鬥心, 不用指揮, 自會有搞作, 摧毀能力大得出乎想像, 偉大的主席應是箇中高手.

在看yahoo news 的讀者留言, 實在太多, 看不下去了, 錄了某些, 大家可有經歷? 可有同感?

• 曾經成為被欺凌的一份子..我為我的EQ感到自豪, 但仍帶點傷感......
• 今日，我睇到到因果，昨日種既因，今天嚐既果，昨日一堆八婆行使言語暴力，今天就有人以暴易暴，好人未必有好報，但一定係惡有惡報﹗
• 爭執同欺凌，嚴重性差好遠
• 我都係過來人,當時諗著退一步海闊天空,忍下就冇事,點知女人係會得寸進尺,排擠得更厲害,把口唔收嘲笑我屋企人, 果時諗埋一邊放把生果刀係手袋想報復……好彩最後諗通左,我辭職你班人自己玩飽佢。
• 雖然斬人係錯, 但世界上真是有D好衰的人, 佢地無斬人卻每日都使人難過, 人的忍耐力是有限的,每個人可以忍受幾多都唔同, 被斬的人唔可以話係抵死, 但都算係自己所做的事的報應.
• 語言暴力比肢體暴力更恐怖, 今次係斬人, 但係亦有無數次是自殺或自殘, 或者精神異常. 奉勸世人, 口舌招尤, 唔好認為淨係用把口講唔犯法, 就無事. 口業也是一種業障, 多積點口德.無論用暴力傷人, 或者用言語損人, 也是一種罪孽.
• 我都是女人 但我都頂不順班八婆,  男同事你不惹他, 他們很少小圈子搞你,  女同事你沒做錯, 但因為你喜歡自己一個不埋堆, 就拿你祭旗, 毫無理性可言.
• 其實通常係有一兩個惡勢力帶頭, 其他人為左唔想得罪佢地, 寧願埋堆做「加害者」!
• 我嘅經驗係:公司只有女同事會講是非,如果出現有男同事,E個人一定比全公司嘅女同事更是非.