大閘蟹之夜

GF從上海帶了十隻大閘蟹回來, 兩個人怎吃得下, 於是邀大伯一家回嫲嫲家共享蟹宴.  大伯跟嫂子剛抵機場, 原來兩口子過了台北度週末, 要回家接女兒一同才趕來.  因鍋子不夠大, 蟹要分兩批蒸.  第一鍋出來了, 大家忙著折呀吃呀, 突然, 我發現坐在對面的大伯折完蟹坐著, 這才醒覺七個人五隻蟹,  原來他和GF都沒吃, 等下輪.  嫂子說: 「他兩兄弟好相像, 就是先讓家人吃, 他們才安心吃.」  她笑看著大伯, 頓了一刻說: 「錢, 他就先去揾, 吃, 他就最後吃.  去到那裏, 人人都說我幸福, 我當然知他的好, 給我幸福, 但好多時, 我聽得出有些人酸溜溜的語氣, 令我不知怎樣應對.  我有些朋友, 甚至不願跟我交往呢.」她隨著說了一些事例, 跟我遇到的差不多.

他們的女兒是八十後, 大學畢業出來工作也數年了, 長相不俗, 一把長髮, 皮膚又白, 應不乏追求者, 我問：「拍拖沒有? 妳挑男朋友會否以妳爸爸為模板呀?」

嫂子嘆道：「有就有好多, 不過, 個個好短期, 實在拍唔落.」

「為甚麼?」我問.

「個個都會暗地裏在外頭曳曳, 仲要係自己識的女性朋友.」姪女一邊吃一邊輕描淡寫地說.

「那妳怎樣做? 會踢爆嗎? 會繼續和那些女性朋友交往嗎? 」我好奇地問.

她抬起頭, 長長地吸了一口氣, 說:  「可以怎樣做?  人地話係普通朋友, 傾得埋姐, 妳忍唔到咪離場囉.  我無乜真正的同性朋友, 個個都係表面扮friend, 見妳有, 就借d意埋黎, 總之見有就想擸左先, 有咁多得咁多, 男人見有著數唔攞左先咩, 我而家都要有幾個男友, 走一個兩個都無問題.」

「咁咪惡性循環, 個個無專一的長期的伴侶?」我驚嘆.

她淡淡地說: 「現實係咁, 也習慣了.」

我聽到心也實了....往後的世代, 要跟幸福說再見了....

可以一家人齊齊整整吃大閘蟹的日子, 原來是十分難得.

寫到這處, 想起某友一篇〈天長地久〉:

http://cecipage.blogspot.hk/2012/09/blog-post.html