前世情人

四月GF調回香港, 出差的時間比前少了一點, 讓他跟前世情人續前緣的時間亦多了, 囡前囡後仆心仆命的還他的前債.

前兩天父親節, 女兒訂了一家價錢頗不菲的餐廳, 出來做事了, 可以作東請老父一餐好一點的, GF一則為女兒的心意感到安慰, 卻不忍她大破慳嚢. 

我說: 「母親節她炒碟菜給我,我都滿足了,你好照單全收吧, 少囉唆!」

GF笑說: 「妳妒忌我? 」 

我啐了他一下: 「無喎! 母親節我要搭嫲嫲單已是慣例, 那個星期六出外吃得heavy, 翌日在家吃, 清清地, 唔好咩? 係你等唔切, 整剰碟菜給她炒.  隔兩日我生日, 她訂那家Spanish restaurant 好好噃, 她送給我的禮物好靚喎, 那餐你埋單好應該姐. 父親節免你忍不住又動手動腳煮埋一份, 點好意思!  呀! 係啦, 佢錫晒你, 得未? 冧未?」

他冧支支的笑了.

我想, 若真有來生, 我一定不會成為他的女兒, 因為今世我是他的妻子, 他並沒有欠我, 沒有負我.  他這生付出多, 來生爭做他的情人的可能很多的呢.