訪問賣樓的子女們
這個題目，需要一點補充：所謂「賣樓」，是指父母餽贈的物業。
原本想說「敗家」，或「散祖業」，卻又不一定完全符合。
概念上已不同，以往父母通常是身故後，才將家族物業贈予子女，傳統命理上稱為「祖業」。
但是現代人講究效率，提早分拆，不必等死後，才當遺產處理。
常見的做法，是在生時，已轉名，或代子女購置，或送首期，而且一般父母，普遍抱着無償心態，並不預期子女回報，自以為是「開明」。
亦因此，有些子女當物業到手，即時自行處理，或賣或按，非常之心安理得，完全沒顧及父母的感受。
究竟為甚麼，要急急將父母送的樓賣掉？不賣會死嗎？
B朋友：「心頭高咯，父母送我一層太古城，我想換一層淺水灣，怎料付足首期之後，供不下去，被逼賤價賣掉淺水灣，但又買不回太古城，兩頭不到岸。」
結果三年後，他耗盡賣樓餘款，搬返與父母同住，覷兩老身故，剩下的這層樓，始終飛不出他的手指罅（哈！哈！哈！）。
陳朋友：「為支持環保理想，我堅決反對地產霸權。賣樓之後套現，我旅行全球考察，寫Blog發表文章，連結世界各地同志。」
由於父母已死，她無家可歸。現居元朗被廢棄鐵皮屋，無水，無電，亦無業。
J朋友：「要享受人生呀，守住層樓紮炮咩？賣樓後，往英國唸一個高貴的短期課程，旅居半年，生活程度高到嚇死人，又要貼仔，啲錢使晒喇，點算？返屋企問老竇攞。做人梗係要見下世面，而家咁做有乜唔妥先？」
對，有乜唔妥先？「唔妥」在於耗散，在於收支不平衡，在於價值觀崩壞，在於沒有令整件事變得更好，而是更差，還要不負責任，自己沒落，全是其他人的錯……於是，一路沉下去。
文：康子
現今個個非常懂享受, 識消費, 打份牛工是愚蠢不化算的事, 聰明才智是用在開拓生命才對, 且人人都是經濟或理財專家, 收入盡歸我, 支出預埋你, 條數係咁計, 是應份的, 有dr 有 cr, 平到吖! 我財技一流添!
養家? 梗係食阿公啦, 自已阿公唔夠照,
搵個有阿公食的去成家咁咪掂囉! 這個算盤仲唔如意?! 一齊捱世界? 傻的嗎?! 你唔貼我咪等於我蝕! 時間、體力、精神都係成本吖! 觀今, 男士的算盤打得更響!
沒有留言:
發佈留言