Whatsapp 傳來了一張image, 是女兒一位前同事的八字盤, 原來這位同事在上子平課, 知道女兒對這方面也有點興趣, 遂把他自己排好的盤交流一下.
我看一看: 吓!?? 怎麼大運走出庚酉, 辛戍這些排列來?!
她: ??
她未曾用心學過, 只是shortcut 上網排盤, 顯然她和那位前同事也是盲毛.
我: 大運錯了, 怎麼連基本的也不懂?! 首先根本無可能有此等天干地支的柱, 陽干必配陽支, 陰干必配陰支, 而且起限是跟月令順或逆行, 用年定陰陽, 陽男陰女順行, 陰男陽女逆行, 他怎會天干跟月干, 地支跟年支呢?
於是她上某網排盤再傳過來, 並說: yea, you are right. 是否身弱要金水? 好唔好運, 係唔係行金水運好?
我: 應是身弱, 但為什麼要金水? 即是你認為用神是金水?
她: 木月金不強, 又欠水.
劫 日 印 比
刹 才 財 比
我: 我認為日主雖不得令, 根雖在年支遠一點, 但勢眾, 有印鄰生, 弱唔晒, 財當令和自坐才, 所以偏弱. 日主和肩劫都靠粒印生, 所以我判斷印為用神, 官刹為喜神, 用來泄木生土. 水會泄金氣和生忌木. 噫? 月支財和年支比的主氣暗合, 他父親有外遇, 可引證一下財為忌, 不為己用.
等了一會.
她: 父親有外遇, Bingo!
第一限庚辰咪好囉.
我: …..寅卯辰木局呀! 佢老豆就好! 益到佢同阿媽咩? 此局最苦果個係印星, 即係阿媽, 咁多粒金要生, 要養, 個老公又外遇!
她: 咁佢何時好?
我: 沒有格局可取, 常人八字. 點為之好? 打份工, 可以有得食有得住, 平安就得啦…
她: 老婆點?
我: 妻星是財, 夫妻宮坐才, 妳話呢?
她: 咁我都係唔mention that…
我: 老婆自己揀的, 自有他的緣份, 人和人之間一定有磨擦, 相互忍讓一下, 他對家庭負責任便是.有子女(男命官刹星) 通關, 關係好d 嘅, 對自己都是一種鍛煉和克制. 婆媳關係, 咪叫子女做和事佬, 自己要孝順母親, 以身作則, 家和咪萬事興啦.
她: 他剛有個女. 咁個女咪身負重任? Lol
我: 哈, 人人都要有責任嫁啦, 以他的case, 咪以女兒作關係樞紐囉.
她: He said 妳說的情況大致中了.
Sun Por. Lol
我: 考我咩! 他的八字不太難睇, 因星入到宮位易估一些. 深d 都考起我啦….
她: 咁就來行金, 係咪好?
我: 錢係不愁的, 不過可能金木交戰, 爭拗會多, 咪忍讓下, 不可郁手郁腳. 另外, 小心有意外, 不要揸快車, 小點外遊, 小心寅巳申三刑動之限.
她: 他上年和今年都有交通意外! 可幸沒事. 但未入這限噃?
我: 本帶刑, 忌起動, 入三刑更要小心. 行善積德, 祈大事化小, 小事化無. 考完我未呀? 我無料嫁喇….
她: 唔...好喇, sun ma!
我不神, 卻是實在的辰媽!
沒有留言:
發佈留言