前兩天, 趁GF出差, 女兒有約, 我和老友可輕鬆地煮一餐簡單又舊口味的晚餐. 老友買餸, 她問我想煲甚麼湯. 我家有鹹魚頭存貨, 就叫她買苦瓜、豆腐和瘦肉, 兩個餸就看街市有啥新鮮的讓她發板.
友準時上到來, 給我足夠的時間煲湯, 我挽過她的環保袋, 把材料拿出來.
我: 哈, 妳買到雷公鑿, 還怕像上次我們行遍整個街市都找不到. 噫? 雞? 一隻我們怎吃得晒? 妳想點整?
友: 好細隻嫁咋, 薑葱蒸啦. 我買咗䓤, 隻雞等我黎搞.
因她知我揸雞都無力, 又前幾日切到手指, 怕我洗雞弄到傷口, 謝謝她. 我先把湯的材料清洗好, 將鹹魚頭飛水, 煲下湯, 讓位給友處理隻雞. 雞頸上有個牌 - ?? BB雞.
友: 那個街市, 鮮雞沒半只賣, 要買全隻, 我見這種咁細隻, 我地兩個可以食得晒嘅.
我: 幾錢隻?
友: 百五蚊.
我: 嘩, 而家要一百五十蚊一隻細雞.
友: 要嫁啦, 鮮雞無一百元以下的價錢的了.
雞身抺好鹽, 塞薑和葱入雞肚, 蒸三十分鐘, Coffee 開始興奮地吠, 牠聞到味了....噫? 我看看蒸碟上的雞油, 好像不太肥膩, 友剛巧買了白菜仔, 我於是說: 不如留番d 雞油炒白菜?
友: 好呀!
待雞涼一點, 友剪雞, 我炒菜, 合作無間.
我: 隻雞好好味, 不肥, 肉滑, 不過…bb 雞是否雞bb, 好像很殘忍似的...
友: 可能係雞種細, 唉, 妳真係, 人在世就係做孽嫁啦....
我又在駁咀: 龍江雞, 清遠雞, 家美雞等等....個名無BB雞咁令人feel guilty 呀嘛...
友: 食妳就食啦!
我們二人一狗開完餐, 嘆茶時, 友篤手機看看有甚麼新聞.
友: 謝賢打曾江.
我: 謝賢做乜打曾江?
友: 未睇details, 新聞話在記者會上.
我: 咩記者會?
友: 四個小生去旅行呀!
我: 哦..... 四個小生去旅行, 那麼兩個花旦, no no, 兩個aunties 呢?
友: 去煮飯囉!
沒有留言:
發佈留言