年夜話

度了好幾天的話, 始終無法如稿盡說,  

因為各人時攻時守, 每天的情況有點不同, 不過稍可放心的是她insure我她會守著底線, 某些關係她是不會掉進去的, 只不過生怕若應付不好會令大家面阻阻, 若對方小器在工作上刁難便麻煩了. 

我即管聽著, 希望她應付得來, 不過其中有一個人我很不放心, 看到他傳來的msg, 相當曖昧.  我問:  「妳會讓I生知道這些人嗎? 」

她:「他見過他們的了,佢有join 過 d drinks, 但現在他們這樣就不說了, 免他亂想, 不過我想他也估到些少, 因為同事放左工做乜成日send msgs問你在那裏, 去唔去飲杯野, 泥接你咁…」

我:「咁I生有無嬲呀? 」

她:「又無喎. 」

我: 「乜佢咁好脾氣呀…」

GF插咀說:  「梗係要咁啦, 自已出埋席, 亦唔介意其他人出現, 公共場所, 大家有權去, 咪大方d一齊當朋友般傾下計, 顯示主權時又可保護女友. 唔通黑面咁小家, 閙自已女朋友, 姐係倒自已米. 」

我: 「係噃, 你果時都係咁…」

她: 「嘩, 爹, 你好有自信, 好man呀! 」

我: 「係既, 唔需要在人前表演親熱, 這樣很肉酸, 大大方方就可以, 這樣大家都feel sociable and comfortable, 又令我覺得安全. 」

GF揚揚眉, 繼續他的電視去…

我繼著訓話:「anyway, 妳得看清楚, 這些男人都不是好東西, 他們知道I生的存在, 自已又已有老婆有女友, 也這樣猖狂, 不要有飄飄然的感覺自以為有吸引力, 這不是真正的追求, 只是爛滾好色!  非禮強姦犯唔通愛妳呀!出來社會, 妳會見到大把這類賤男, 佢地唔會理妳感受, 一心想自已的著數, 非常進取心急, 想快得手ah ma!  拍拖?! 互相了解咁呭時間咩! 妳亦要看I生是否這類, 你們的交往日子尚淺, 他現在的環境亦未有試煉, 講真, 妳自已亦是未定下來, 我不是要妳㨂定他, 若大家發覺相處不愉快, 大家的期望分岐大, 不要勉強下去, 若對方遇到更心動更合拍更合適的人, 分手, 放手, 大家真心過, 只嘆有緣無份吧了. 」

不過, 我心想, I生未必是夠自信, 而是生怕一出口便出事, 唯有忍著看情況, 也算不是衝動派和有d計..  又聞說今早她在公司受了一肚子氣, I生的甚麼團年lunch, 想也不會有預期的氣氛.  所以呢, 男人一定要上進, 減少自已的女人在外受氣和被調戲, 自已才有好日子過, 哈哈.

今夜團年奉神, 祝願家家喜氣洋洋, 日日都是好日子!