果醬 DIY

GF 上星期買了芒果, 因我怕濕熱惹咳沒有吃, 怎樣處置呢?  想了想, 不如用來做果醬, 之前試過做士多啤梨, 根據比例做應該可以的, 釀梅酒時用剩些冰糖, 用冰糖應更好.  我本想在週末晚做, 怎料太渴睡, 星期天早上起來時, 原來GF已把兩個芒果起肉切粒, 下了冰糖放進雪櫃了.  我左看右看, 不見磅秤的踪影, 不會那麼有手尾放回厨櫃裏吧, 於是我問他知道下多少糖嗎?

他說：「妳不是說四份一嗎?」

我再問：「你知四份一糖是多少嗎?」

他說：「是芒果的四份一嘛. 」

我狐疑了：「吓? 那你怎知芒果肉的重量?」

他答：「我預到加嘛.」

「點預?」我真是非常疑惑.

他眼睜睜地看著我說：「用眼預囉.」

「吓! 咁都叫預? 少咗無問題, 容乜易過多, 太甜就難食啦.」

「信我啦, 啱嫁啦.  」他語氣好肯定地說.

好啦, 昨日黃昏做晚飯前, 加半個檸檬汁煮起, 待涼後放進雪櫃.

今天的早餐, GF當然買包來搽果醬, 噫? 他果真是天厨坐命, 甜度又OK喎, 比個叻佢先, 哈哈!

PS  附士多啤梨果醬做法: